L’emprema e secunda classa da Falera han passentau l’excursiun d’atun communablamein. Cun igl auto da posta e silsuenter cun il tren essan nus serendi enviers Mustér. Da leu naven essan nus caminai tochen tier la plazza da giug „Plaun Petschen“ sut Cumpadials. Arrivai silla plazza da giug han ils affons gudiu lur gentar ord il sacados ed ein leu sediverti. Cuntents e staunchels essan nus puspei turnai a casa.